Tedesko Belçikanın sensasiyalı məğlubiyyətini şərh etdi

Belçika yığmasının baş məşqçisi Domeniko Tedesko Avropa çempionatının ilk oyununda Slovakiyaya məğlubiyyətdən sonra fikirlərini bölüşüb.

90deqiqe.Az xəbər verir ki, 38 yaşlı çalışdırıcı bu barədə UEFA-nın rəsmi saytına açıqlamasında bildirib.

“Yaxşı hazırlaşdıq. Bu gün qol vurmaq lazım idi, onda problem olmayacaqdı. Edə bilmədiyimiz yeganə şey şanslarımızı çevirmək oldu. Bizdə onlardan çox idi. Təbii ki, futbolçular məyusdur. Mən bilirdim ki, nə vaxtsa uduzacağıq. Təəssüf ki, bu gün baş verdi. Oyunu yaxşılaşdırmaq üçün oyunçulara deyə biləcəyim çox az şey var, çünki biz çoxlu şanslar yaratdıq”

Bildiyiniz kimi, “qırmızı şeytanlar” 0:1 hesabı ilə məğlub olub.

Xatırladaq ki, Tedesko Belçika millisinin çalışdırıcısı kimi ilk dəfə məğlub olub.