Həkimi Mbappenin hansı şərtlər altında oynaya biləcəyini açıqlayıb

İdman həkimi Mişel Saymes Fransa millisinin hücumçusu Kilian Mbappenin burnu sındığı üçün hansı şərtlərlə Avro-2024-də oynaya biləcəyini açıqlayıb.

90deqiqe.Az xəbər verir ki, o, RMC Sport-a bunları deyib:

“Əgər o, yenidən oynasa, maska ​​taxacaq, amma bu o qədər də böyük bir şey deyil. Problem ilk növbədə tənəffüsdədir, çünki burun içərisində şişlik olacaq. Avro üç həftədən sonra başa çatır və şişkinlik təxminən 10-15 gün ərzində azala bilər. Sonra hər şey onun şəxsi qərarından asılı olacaq. O, sınıqla oynamağa risk edə bilər, lakin tənəffüs problemi varsa, Kilianın performansı, əlbəttə ki, azalacaq”.

Xatırladaq ki, Avro-2024-ün qrup mərhələsinin 1-ci turunun Fransa - Avstriya matçının (1:0) sonunda Mbappenin burnu sınıq şəklində zədələnmişdi. Sonradan onun əməliyyatdan yayına bildiyi, lakin qarşıdakı oyunlarda iştirakının şübhə altında qaldığı bildirilir.