Kamavinqa yenə məşqi buraxdı

Fransa millisinin yarımmüdafiəçisi Eduardo Kamavinqa millinin məşqində iştirak etməyib.

90deqiqe.Az " L'Equipe"yə istinadən məlumat verir ki, buna səbəb 21 yaşlı yarımmüdafiəçinin sağ topuq nahiyəsində ağrılar hiss etməsidir. Zədəsinin ciddi olmadığı üçün futbolçu bazar ertəsi komanda ilə məşqlərə başlayacaq.

Xatırladaq ki, Kamavinqa Niderland ilə əvvəlki oyunu matç ərəfəsində diskomfort hiss edərək ehtiyat oyunçular skamyasında keçirib. İki turdan sonra Fransa yığması dörd xalla D qrupunun turnir cədvəlində ikinci yerdədir. Komanda üçüncü turda Polşa ilə qarşılaşacaq.