Rudiger Almaniya yığmasının növbəti oyununu buraxa bilər

Almaniya yığmasının mərkəz müdafiəçisi Antonio Rudiger qrup mərhələsinin dünən İsveçrə ilə keçirilən matçında zədələnib. 

90deqiqe.Az xarici KİV-lərə istinadən xəbər verir ki, zədə səbəbindən 31 yaşlı futbolçu Avro-2024-ün 1/4 final matçını buraxa bilər.

Lakin bildirilib ki, Almaniya millisinin tibbi heyəti Rüdigerin durumuna nikbin yanaşır və "Real Madrid"in müdafiəçisinin növbəti matçda komandaya kömək edə biləcəyinə ümid edir.

Xatırladaq ki, Rüdiger Avropa çempionatında 1 avtoqol vursa da, ümumilikdə müdafiədə inamlı oynayıb və alman komandasına birinci yerdən pley-offa çıxmasına kömək edib. Almanlarla qrupda Şotlandiya, Macarıstan və İsveçrə kimi komandalar mübarizə aparıb.