Patrik Şik Türkiyə millisinə qarşı oynamayacaq

Çexiya millisi bu həftə Avro-2024-ün qrup mərhələsinin həlledici oyununda Türkiyə millisi ilə qarşılaşacaq.

90deqiqe.Az "iROZHLAS"a istinadən məlumat verir ki, Çexiya hücumunun lideri və millinin ən bahalı oyunçularından biri Patrik Şik sözügedən oyunda komandasına kömək edə bilməyəcək.

Xatırladaq ki, Şik ötən gün komandasının Gürcüstan millisi ilə qarşılaşmasında (1:1) Çexiya yığmasının heyətində qol vurmuşdu. İkinci hissədə Patrik baldırından aldığı zədə səbəbindən meydanı tərk edib. İyunun 26-da Çexiya və Türkiyə yığmaları qarşılaşacaq. Hazırda F qrupunda Şərqi Avropa komandasının bir xalı və üçüncü yeri var. İkinci yerdən fərq iki xaldır.