Mbappenin oyunu yüksək qiymətləndirildi

Fransa millisinin baş məşqçisi Didye Deşam hücumçu Kilian Mbappenin Avropa çempionatının qrup mərhələsinin III turunun Polşa millisinə qarşı oyununda (1:1) çıxışından danışıb.

90deqiqe.Az xəbər verir ki, 55 yaşlı çalışdırıcı "Real Madrid"in yeni transferinin çox yaxşı oyun göstərdiyini bildirib.

“Onun keçirdiyi hər şeyə baxmayaraq, o gecə yaxşı olduğunu düşündüm. Maskaya alışmalısan - tərləyirsən, amma o, həmişə belə oynamaq istəyir”

Xatırladaq ki, "Real Madrid"in forvardı 11 metrlik zərbə vuraraq, Avropa çempionatı karyerasında ilk qolunu vurub. Mbappe ilk turda Avstriya millisi ilə qarşılaşmada (1:0) rəqib müdafiəçi ilə toqquşma zamanı burnunu sındırdığı üçün qoruyucu maskada oynayıb.