İspaniya, Avro-2024-ün qrup mərhələsində qol buraxmayan yeganə komandadır

İspaniya milli komandası, Almaniyada keçirilən 2024 Avropa Çempionatının qrup mərhələsində qol buraxmayan yeganə komandadır.

90deqiqe.Az xəbər verir ki, ispanlar turnirdə keçirdikləri üç oyunun heç birində qapılarında qol görməyiblər.

Qrup mərhələsinin son, 3-cü turundan əvvəl yalnız İspaniya və Fransa milli komandaları turnirdə qol buraxmamışdılar, lakin ispanlar Albaniyanı məğlub edərək (1:0) bu statusu qoruyublar, fransızlar isə hücumçu Robert Lewandowskinin penalti zərbəsindən sonra Polşa ilə bərabərə qalıblar (1:1).

Xatırladaq ki, İspaniya öz qrupunda birinci yeri tutaraq pley-off mərhələsinə vəsiqə qazanıb. İspaniya, Portuqaliya son oyununda Gürcüstanı məğlub edə bilməzsə, Avro-2024-ün qrup mərhələsində üç oyunun hamısını qazanan yeganə komanda ola bilər.