Fabreqas İspaniyanın Avro-2024-ü qazanma şansını dəyərləndirib

“Arsenal”ın sabiq yarımmüdafiəçisi Sesk Fabreqas İspaniya millisinin 2024-cü il Avropa çempionatındakı çıxışından danışıb:

90deqiqe.Az  xəbər verir ki, “AS” onun dediklərini belə çatdırıb:

“Komanda çox yekdil görünür, komandada təcrübə və gəncliyin vəhdəti var. İspaniya millisi stabil və yaxşı futbol nümayiş etdirir. İndi ən maraqlı şeylər Avroda başlayır, əminəm ki, qalib gəlmək şansımız var”

Qrup mərhələsində “qırmızı qəzəblilər” heç bir qol buraxmadan üç qələbə qazanıb. 1/8 finalda İspaniya yığması Gürcüstan komandası ilə qarşılaşacaq. Görüş bu gün, iyunun 30-da baş tutacaq, start fiti Bakı vaxtı ilə saat 23:00-da səslənəcək.