Pikford azarkeşlərə səsləndi: "Dəstəyə ehtiyacımız var"

İngiltərə millisinin qapıçısı Cordan Pikford Avro-2024-ün 1/4 finalında İsveçrə ilə oyundan əvvəl komandanın azarkeşlərinə müraciət edib.

90deqiqe.Az xəbər verir ki, 30 yaşlı qolkiper bu barədə UEFA-nın rəsmi saytına açıqlamasında bildirib.

 "Meydana çıxıb mübarizə aparacağıq. Biz hər şeyimizi verəcəyik. Dəstəyinizə ehtiyacımız var, çünki azarkeşlər komandanın vacib hissəsidir. Sizin yaratdığınız ab-hava bizə kömək edir”

Xatırladaq ki, 1/8 final mərhələsində britaniyalılar Slovakiyaya qalib gəlib (d.v.-dən sonra 2:1). İngiltərə və İsveçrə milli komandaları arasında 2024-cü il Avropa çempionatının 1/4 final oyunu iyulun 6-da şənbə günü keçiriləcək. Matçın baş hakiminin start fiti Bakı vaxtı ilə saat 20:00-da səslənəcək.