Yamaldan Lemanna: "Meydanda bizim nə qədər təcrübəsiz olduğumuz üzə çıxacaq"

İspaniya millisinin hücumçusu Lamin Yamal "Arsenal"ın keçmiş qapıçısı Yens Lemannın ispanları "təcrübəsiz uşaqlardan ibarət komanda" adlandıran açıqlamasına münasibət bildirib.

90deqiqe.Az xəbər verir ki, “Goal" 16 yaşlı forvardın dediklərini belə çatdırıb:

“Belə bəyanatlar yalnız motivasiyamızı artırır. Almandır, başqa nə deyə bilərdi? Amma meydanda bizim nə qədər təcrübəsiz və balaca olduğumuz üzə çıxacaq"

2024-cü il Avropa çempionatının 1/4 finalında İspaniya və Almaniya yığmaları üz-üzə gələcək. Matç cümə günü, iyulun 5-də baş tutacaq, start fiti Bakı vaxtı ilə saat 20:00-da çalınacaq. Xatırladaq ki, turnir iyunun 14-dən iyulun 14-dək Almaniyada keçirilir.