Pepedən millidəki gələcəyi ilə bağlı açıqlama

Portuqaliya millisinin mərkəz müdafiəçisi Pepe 2024-cü il Avropa çempionatından kənarlaşdırıldıqdan sonra millidəki gələcəyi ilə bağlı açıqlama verib.

90deqiqe.Az xəbər verir ki, “Record" 41 yaşlı futbolçunun dediklərini belə çatdırıb:

“Hazırda bunun heç bir əhəmiyyəti yoxdur. Gələcək haqqında düşünmək üçün hələ vaxtım olacaq. İndi mən turnirdə oynadıqları üçün yoldaşlarıma təşəkkür etmək istəyirəm. Futbol qəddar ola bilər”

Pepe 2007-ci ildən millinin rənglərini qoruyur. O, 136 oyun keçirib və 7 qol vurub. Portuqaliya 1/4 final mərhələsində Avropa çempionatından kənarlaşdırılıb. Roberto Martinezin komandası Fransaya penaltilər seriyasında uduzub.