“Türkiyə üzərində qələbə bizim üçün asan olmadı”

Niderland millisinin yarımmüdafiəçisi Xavi Simons 2024-cü il Avropa çempionatının Türkiyə ilə son oyunu haqda fikirlərini bildirib.

90deqiqe.Az xəbər verir ki, “Sport.es" 21 yaşlı futbolçunun dediklərini belə çatdırıb:

"Çox gərgin oyun, rəqibin səviyyəsi yüksəkdir. Qələbə qazanıb irəliyə getməyi bacardıq, amma bu, bizim üçün asan olmadı. İndi İngiltərə yığmasını təhlil etməli olacağıq, bu matç bizim üçün çətin sınaq olacaq. Bunun üzərində çalışacağıq və azarkeşlərimizi sevindirməyə çalışacağıq”,

İyulun 6-da baş tutan görüş Hollandiyanın 2:1 hesablı qələbəsi ilə başa çatıb. Hollandiya və İngiltərə arasındakı görüş iyulun 10-da, Bakı vaxtı ilə saat 23:00-da başlayacaq.