De Zerbi İtaliyanın Avro-2024-dəki uğursuzluğunu açıqladı

“Marsel”in baş məşqçisi Roberto de Zerbi İtaliya millisinin 2024-cü il Avropa çempionatındakı uğursuz çıxışı ilə bağlı fikirlərini bölüşüb.

90deqiqe.Az xəbər verir ki, təcrübəli çalışdırıcı millidə az sayda ulduz futbolçu olduğunu bildirib.

“Uğursuzluğun birdən çox səbəbi var. İtaliyada az sayda ulduz futbolçu var. A seriyasında daha çox əcnəbi oyunçu var və məlum olur ki, onlar bizim futbolçulardan yaxşıdır. Buna görə də milli komanda hesabları ödəməyə başlayır”

İtaliya millisi Avropa çempionatında mübarizəni 1/8 final mərhələsində başa vurub. Luçano Spalettinin yetirmələri pley-off mərhələsinin ilk mərhələsində İsveçrə millisinə 0:2 hesabı ilə uduzub. Beləliklə, “Azzurra” komandası çempion titulunu qoruya bilməyib.