- Avropa çempionatı
- 11:12 05.11.2024
Avro-2024-ün qarşıdan gələn yarımfinal oyunlarını idarə edəcək hakimlər müəyyənləşib.
90deqiqe.Az xəbər verir ki, Fransa və İspaniya yığmaları arasında iyulun 9-na planlaşdırılan oyunu sloveniyalı Slavko Vinçiç idarə edəcək. Növbəti gün keçiriləcək İngiltərə - Hollandiya matçını alman Feliks Zvayer idarə edəcək.
Xatırladaq ki, Avro-2024-ün final oyunu bu gələn bazar günü, iyulun 14-də baş tutacaq. Fransa yığması 1/4 finalda Portuqaliya yığmasını, İspaniya yığması isə Almaniya yığmasını turnirdən kənarda qoyub. İngiltərə yığması 1/4 finalda isveçrəlilərə penaltilər seriyasında qalib gəlib, Hollandiya yığması isə əsas vaxtda Türkiyə yığması üzərində güclü iradəli qələbə qazanıb.
