Məşhur futbolçu milli karyerasını bitirdi

Almaniya millisinin hücumçusu Tomas Müller millidəki gələcəyi ilə bağlı qərar verib.

90deqiqe.Az  xəbər verir ki, 34 yaşlı futbolçu 2024-cü il Avropa çempionatının 1/4 finalında İspaniyaya uduzduqdan (1:2) sonra millidəki karyerasını bitirmək qərarına gəlib.

Xatırladaq ki, Almaniya yığmasını turnirdən kənarlaşdıran İspaniya artıq Avro-2024-ün finalına yüksəlib. Yarımfinal mərhələsində ispanlar Fransaya 2:1 hesabı ilə qalib gəlib. Qitə birinciliyinin finalında İspaniya yığması İngiltərə-Hollandiya qarşıdurmasının qalibi ilə qarşılaşacaq.

Avropa çempionatı iyunun 14-dən iyulun 14-dək Almaniyada keçiriləcək. Sonuncu dəfə keçirilən turnirin qalibi İtaliya komandası olub. 2021-ci ildə keçirilən Avro-2020-nin finalında italyanlar İngiltərə yığmasına qalib gəlib (1:1, 3:2 penaltilər).