Amerika Kuboku: Uruqvay millisi üçüncü yeri tutub

Kanada və Uruqvay milli komandalarının qarşılaşdığı 2024-cü il Amerika Kubokunda üçüncü yer uğrunda görüş keçirilib

90deqiqe.Az xəbər verir ki, Şarlottadakı (ABŞ) "Bank of America" ​​stadionunda keçirilən görüşün  əsas və əlavə vaxtı 2:2 hesabı ilə bitdiyi üçün qalibi müəyyənləşmək üçün penaltilər seriyası ehtiyac duyulub. Burada daha dəqiq olan Uruqvay seçməsi (4:3) rəqibi üzərində qələbə qazanaraq üçüncü yerə sahib çıxıb.

Amerika Kuboku iyunun 21-dən iyulun 15-dək davam edəcək. Turnirin hazırkı qalibi 2021-ci ilin finalında Braziliya millisini 1:0 hesabı ilə məğlub edən Argentina millisidir. Ən titullu komandalar Argentina və Uruqvaydır, onların komandaları hər biri 15 Amerika Kuboku qazanıb.