Brozoviç millidəki karyerasını bitirib

"Əl Nəsr" klubunun futbolçusu Marselo Brozoviç Xorvatiya millisindəki karyerasını başa vurub.

90deqiqe.Az xəbər verir ki, bu barədə futbolçu sosial şəbəkədə məlumat verib.

Brozoviç millinin forması ilə 99 oyun keçirib. Yarımmüdafiəçi nailiyyətlərindən, o cümlədən 2018-ci il Dünya Çempionatında gümüş və 2022-ci ildə bürünc medaldan qürur duyduğunu bildirib. O, hər zaman bütün qüvvəsini komandaya verməyə çalışdığını, həm təcrübəli veteranlar, həm də gənc istedadlar sayəsində bundan sonra da uğurlar qazanacaq komandanın parlaq gələcəyinə inandığını qeyd edib. Brozoviç 2014-cü ildən millidə çıxış edib və 7 qol vurub.