Sautqeyt gələcəyi ilə bağlı qərar verib

Təcrübəli çalışdırıcı Qaret Sautqeyt gələcəyi ilə bağlı qərar verib.

90deqiqe.Az-ın məlumatına görə, Avropa Klublar Assosiasiyasının Afinada keçirilən baş assambleyasında çıxış edən 54 yaşlı çalışdırıcı tezliklə işə qayıtmaq fikrində olmadığını bildirib.

“Gələn il mütləq məşqçilik etməyəcəyəm - buna tam əminəm. Düzgün qərarlar vermək üçün mənə vaxt lazımdır. Belə əhəmiyyətli bir mövqedən ayrıldıqdan sonra həm bədənə, həm də ruha istirahət vermək lazımdır. Mən indi həyatımdan həzz alıram və tələsmək üçün heç bir səbəb yoxdur"

 54 yaşlı mütəxəssis iyulda Avro-2024-ün finalında İspaniyaya 1:2 hesablı məğlubiyyətdən sonra İngiltərə millisinin baş məşqçisi postunu tərk edib.