Fransa millisində Poqba şoku
Avro-2020-nin seçmə mərhələsində Albaniya və Andorra ilə qarşılaşacaq Fransa millisi ciddi itki ilə üzləşib.
Corner.az Fransa Futbol Federasiyasının rəsmi saytına istinadən xəbər verir ki, komandanın əsas futbolçularından Pol Poqba zədələnib. Bu səbəbdən “Mançester Yunayted”in futbolçusu heyətdən çıxarılıb. Onun yerinə “Arsenal”dan Matteo Gunduzi yığmaya çağrılıb.Qeyd edək ki, Fransa millisi sentyabrın 7-də Albaniya, 10-da isə Andorra ilə qarşılaşacaq.
