Xorvatiya millisinin heyətində dəyişiklik

Avro-2020-nin seçmə mərhələsində Slovakiya və Azərbaycanla qarşılaşacaq Xorvatiya millisinin heyətində dəyişiklik olub.

Corner.az Xorvatiya Futbol Federasiyasının saytına istinadən xəbər verir ki, yığmanın futbolçusu Tin Yedvay məşq zamanı zədələnib. Tibbi müayinədən keçən "Bayer"in futbolçusunun hər iki qarşılaşmanı buraxacağı dəqiqləşib. Bu səbəbdən o, millidən kənarlaşdırılıb. T.Yedvayın əvəzinə milliyə "Hayduk"un futbolçusu Yosip Yuranoviç çağırılıb.

Qeyd edək ki,  Xorvatiya yığması bu gün Slovakiyanın, sentyabrın 9-da isə Azərbaycan millisinin qonağı olacaq.