İngiltərə millisinin hücumçusu Rahim Sterlinq AÇ-2020-nin seçmə mərhələsi çərçivəsində Bolqarıstana qarşı keçirdikləri oyun zamanı irqçiliklə qarşılaşıb.
Corner.az xəbər verir ki, meydan sahiblərinin 4:0 hesablı qələbəsiylə yekunlaşan görüşün ilk yarısında qonaq azarkeşlərin yer aldığı sektordan bir nəfər Sterlinqə qarşı irqçi şüarlar səsləndirib.
Bunu eşidən arenanın stüardları həmin azarkeşi dərhal tribunadan uzaqlaşdırıraq polisə təqdim ediblər. Britaniya polisi ötən gün bu faktı rəsmən təsdiqləyib. Onlar bolqar fanatı ictimai asayişi pozduğu üçün saxladıqlarını bəyan edib.Artıq həmin fanat azadlığa buraxılıb.
Qeyd edək ki, 24 yaşlı futbolçu bolqarları məğlub etdikləri qarşılaşmada 1 qol, 1 məhsuldar ötürmə ilə yadda qalıb.
