Hamımız meydanı yarımçıq tərk edəcəyik - Abraham

İngiltərə millisinin hücumçusu Temmi Abraham maraqlı açıqlama verib.

Corner.az-ın xarici mətbuata istinadən məlumatına görə, gənc futbolçu AVRO-2020-nin seçmə mərhələsi çərçivəsində keçiriləcək oyunlarda meydanı yarımçıq tərk edə biləcəklərini bildirib.

"Çelsi"nin hücumçusu oyunlar zamanı irqçi təhqirlərə məruz qalacaqları təqdirdə bu addıma əl atacaqlarını söyləyib: "Əgər birimizə qarşı irqçilik edilsə, bu, hamımıza təsir göstərəcək. Millinin kapitanı Harri Keyn bildirib ki, əgər birimiz bu şəkildə incisək, hamımız meydanı tərk edəcəyik".

Qeyd edəki, İngiltərə yığması seçmə mərhələ çərçivəsində oktyabrın 11-də Çexiyanın, 14-də isə Bolqarıstanın qonağı olacaq.