Löv qapıçı qalmaqalına son qoydu

Almaniya millisində qapıçı qalmaqalına baş məşqçi Yoahim Löv münasibət bildirib.

Corner.az-ın xarici mətbuata istinadən məlumatına görə, 59 yaşlı mütəxəssis əsas qapıçı məsələsində "Bavariya"nın kapitanı Manuel Noyerə üstünlük verdiyini bildirib.

Təcrübəli çalışdırıcı "Barselona"nın qapıçısı Mark-Andre ter Ştegenin etirazını isə qəbul etməyib: "Artıq neçənci dəfədi deyirəm: Noyer bizim kapitanımızdı və ciddi bir şey olmasa, hazırkı mərhələdə bir nömrəli qapıçımızdı".

Qeyd edək ki, ter Ştegen bir müddət əvvəl millidə əsas qapıçı olmağa layiq olduğunu bildirmişdi.