Ronaldo milli komanda ilə bağlı qərarını hələ verməyib

Portuqaliya millisinin kapitanı Kriştiano Ronaldo dünya çempionatından sonra bir daha təsdiqləyib ki, artıq mundiallarda çıxış etməyəcək.

90deqiqe.Az xəbər verir ki, təcrübəli hücumçu bununla yanaşı, milli komanda karyerasını başa vurub-vurmayacağı barədə hələ yekun qərar vermədiyini bildirib.

Ronaldonun sözlərinə görə, bu məsələni ailəsi ilə müzakirə etdikdən sonra qərarını açıqlayacaq.

Portuqaliyalı futbolçu 2028-ci ildə keçiriləcək Avropa çempionatında iştirak etməyi hədəfləyir. Bu baş tutacağı təqdirdə, Ronaldo nüfuzlu turnirdə 43 yaşında meydana çıxacaq.

Qeyd edək ki, Kriştiano Ronaldo 2016-cı ildə Portuqaliya millisinin heyətində Avropa çempionu olub.