İngiltərə yığmasının 10 illik seriyasına son qoyulub.
Corner.az xəbər verir ki, sözügedən yığma komanda 2009-cu ildən bəri ilk dəfə dünya çempionatı və Avropa çempionatının seçmə mərhələləri çərçivəsində keçirilən oyunda məğlub olub.
Bu, ingilislərin AÇ-2020-nin seçmə mərhələsi çərçivəsində Çexiyaya qarşı keçirdiyi oyunda qeydə alınıb. Matçda hesabı ingilislər açsa da, qalan dəqiqələrdə çexlər iki qol vuraraq əzmkar qələbə qazanıb – 2:1.
İngiltərə yığması bundan əvvəlki məğlubiyyətini 10 il öncə – 2009-cu ilin 9 oktyabrında Ukrayna ilə görüşdə almışdı. DÇ-2010-nun seçmə mərhələsi çərçivəsində keçirilən həmin oyunda ingilislər minimal hesabla məğlub olmuşdular.
