Çili yığma komandası yoxlama oyununa çıxıb.
Corner.az xəbər verir ki, sözügedən komanda Kolumbiya millisi ilə qarşılaşıb. Görüşdə qalib müəyyənləşməyib.
Həmin matç Çili yığmasının hücumçusu Aleksis Sançes üçün əlamətdar olub. 30 yaşlı futbolçu ölkəsinin millisində ən çox oyuna çıxan futbolçu olub. İnter'in hücumçusu bu oyunda 132-ci dəfə millinin formasını geyinib.
Amma onun mütləq rekordçu olduğu bu görüş həmçinin özü üçün o qədər də uğurlu alınmayıb. Sançez və komanda yoldaşı Qari Medel qarşılaşmanı zədə səbəbindən erkən başa vurub. Medel matçın əvvəlindəcə zədələndiyi üçün 21-ci dəqiqədə, Sançes isə ikinci hissədə zədələnərək meydanı tərk edib.
Xarici mətbuatın məlumatına görə, Aleksisin zədəsi çox ciddidi. Onun bu il bir daha meydana çıxmayacağı gözlənilir.
Qeyd edək ki, sözügedən oyunda Kolumbiya yığmasının hücumçusu Duvan Sapata da ağır zədə alıb.
