Mançininin müqaviləsi yeniləndi

İtaliya yığması baş məşqçisi Roberto Mançininin müqaviləsini uzadıb.

Corner.az-ın yerli mətbuata istinadən məlumatına görə, 54 yaşlı  mütəxəssisin müqaviləsi avtomatik olaraq yenilənib.

Belə ki, ötən il tərəflər arasında anlaşma əldə edilərkən müqaviləyə salınmış maddəyə əsasən, baş məşqçi komandanı Avropa çempionatının final mərhələsinə çıxaracağı təqdirdə, sözləşməsi uzadılacaqdı. Təcrübəli mütəxəssis vəzifəsinin öhdəsindən gəldiyi üçün onun müqavilə müddəti 2022-ci ilə qədər uzadılıb.

Qeyd edək ki, İtaliya yığması yer aldığı qrupda keçirdiyi 7 oyunun hamısında qələbə qazanıb.