Çin yığmasının baş məşqçisi Marçello Lippi istefa verib.
Corner.az xəbər verir ki, uğursuz çıxışını davam etdirən komandasının bu gün DÇ-2022-nin Asiya üzrə seçmə mərhələsi çərçivəsində Suriyaya 1:2 hesablı uduzduqları oyundan sonra mətbuat konfransı keçirən italiyalı mütəxəssis postundan ayrıldığını bəyan edib:
“Komandanın bu vəziyyətə gəlməsində çox böyük payım var. Çin yığmasındakı fəaliyyətimə son qoyuram”.
Qeyd edək ki, A qrupunda yer alan Çin yığması 4 oyuna topladığı 7 xalla ikinci pillədə qərarlaşıb. Suriya isə 12 xalla liderdi.
