Avro-2020-nin seçmə mərhələsinin 9-cu turu çərçivəsində Belarus yığmasını 4:0 hesabı ilə məğlub edən Almaniya milli komandası turnirin final mərhələsinə vəsiqə qazanıb.
Corner.az Almaniya mətbuatına istinadən xəbər verir ki, bununla da, sözügedən komanda tarixində 13-cü dəfə Avropa çempionatının final mərhələsinə vəsiqə qazanıb. Bu, turnirin tarixində rekord göstəricidi.
Həmçinin almanlar 1972-ci ildən bəri bütün Avropa çempionatlarının final mərhələsində iştirak etməyi bacarıblar.
Almaniya millisi tarixində üç dəfə – 1972, 1980 və 1996-cı illərdə Avropa çempionatının qalibi adını qazanıb.
