“Atalanta” klubu tarixi uğura imza atıb.
Corner.az xəbər verir ki, A Seriyası təmsilçisi ilk dəfə UEFA Çempionlar Liqasında pley-offa vəsiqə qazanıb.
Atalanta Çempionlar Liqasının qrup mərhələsində ilk dəfə mübarizə aparırdı. Amma debüt mövsümündəki ilk oyununda “Dinamo Zaqreb”ə 0:4 hesabıyla məğlub olmasının, ardından “Mançester Siti” və Donetsk “Şaxtyor”una uduzmasına baxmayaraq, sözügedən komanda son üç oyunda bu rəqiblərindən üstün olaraq pley-offa yüksəlib.
Öncə doğma meydanda “Mançester Siti” ilə heç-heçə (1:1) edən “Atalanta”, “Dinamo”ya 2:0, bu gün isə “Şaxtyor”a 3:0 hesabıyla qalib gəlib. 14 xalla qrup lideri olan “Mançester Siti”nin ardından 7 xalla ikinci olan İtaliya klubu “Şaxtyor”u 1, “Dinamo”nu 2 xal qabaqlayıb.
