ÇL-nın oyunu azarkeşsiz keçiriləcək

Çempionlar Liqasının 1/8 final mərhələsində  "Valensiya"  ilə "Atalanta" arasındakı cavab görüşü azarkeşsiz keçiriləcək.

Corner.az  İspaniya klubunun rəsmi saytına istinadən xəbər verir ki, UEFA koronavirus epidemiyasının yayılmasının qarşısını almaq üçün bu qərarı qəbul edib.

Klubun açıqlamasında o da bildirilib ki, səfər oyununa bilet əldə etmiş azarkeşlər pullarını geri ala bilərlər.

Qeyd edək ki, İtaliyada keçirilən ilk oyunda "Atalanta" "Valensiya"ya 4:1 hesabı ilə qalib gəlib. Cavab görüşü martın 10-da "Mestalya" stadionunda baş tutacaq.

Əlavə edək ki, İspaniyada koronavirusa 248 yoluxma halı aşkarlanıb. Onlardan 3-ü dünyasını dəyişib