Atletiko və PSJ 1/4 finalda

Çempionlar Liqasında 1/8 finalın cavab oyunları keçirilir.

Corner.az xəbər verir ki, bu gün daha iki komanda 1/4 finala vəsiqə qazanıb.

Gecənin maraqla gözlənən qarşılaşması İngiltərədə baş tutub. Turnirin son çempionu "Liverpul" doğma meydanda "Atletiko" ilə qarşılaşıb. Mersisayd təmsilçisi matçın əsas vaxtını 1:0 qalib başa vurub. Bu səbəbdən də əlavə vaxt təyin olunub. Əlavə vaxt isə qonaqlar möhtəşəm oyun göstərib. Nəticədə, ümumi hesabda 4:2 üstün olan "Atletiko" 1/4 finala vəsiqə qazanıb.

Digər görüşdə isə PSJ  öz meydanında "Borussiya"nı qəbul edib. İlk qarşılaşmada 1:2 hesabı ilə məğlub olan Paris təmsilçisi inamlı qələbə qazanaraq növbəti mərhələyə yüksəlib.

11 mart (çərşənbə)

PSJ (Fransa) – “Borussiya” (Dortmund, Almaniya) 2:0
Qol: Neymar, 28. Bernat, 45+1.
İlk oyun – 1:2
Paris. “Park de Prens”. Baş hakim: Entoni Taylor (İngiltərə)

“Liverpul” (İngiltərə) – “Atletiko” (İspaniya) 2:3
Qol: Veynaldum, 43. Firmino, 94 - Lyorente, 97; 105+1. Morata, 120+1.
İlk oyun – 0:1
Liverpul. “Enfild Roud". Baş hakim: Danni Makkeli (Niderland)