Madrid ÇL-nın finalına ev sahibliyi etmək istəyir

İspaniyanın paytaxtı Madrid Çempionlar Liqasının finalına ev sahibliyi etmək istəyir.

Corner.az xəbər verir ki, bu barədə Madrid bələdiyyə başçısı Joze Luis Martines İspaniyanın "13" telekanalından idman proqramına açıqlamasında bildirib: "Çempionlar Liqasıbnın finalını Madriddə oynanılması üçün  dəstək oluram. Oyun burada keçiriləcəyi təqdirdə, təhlükəsizlik qaydalarına əməl olunacaq".

Martines finalın Madridə keçirilməsinə cəhd etdiklərini vurğulayıb: "Bu turnirin finalına ev sahibliyi etmək Madrid üçün böyük bir xəbər olar. Dramatik günlərdən çox qısa müddət sonra Madridin necə toparlandığnı göstərmək yaxşı olar. Baş verənlərə baxmayaraq, dünyaya şəhərin yenidən geri döndüyü mesajını vermək istəyirik".

Qeyd edək ki, xarici KİV-lər ÇL-in finalına ev sahibliyi etmək hüququnun İstanbuldan alına biləcəyini yazıb. Turnirin Lissabon və ya Berlində keçiriləcəyi biləcəyi iddia olunub.(qol)