Klublarımızın avrokubok mübarizəsinə başlayacaqları tarix bilindi

UEFA Çempionlar Liqası və Avropa Liqasında 2020-2021 mövsümünün başlama tarixi məlum olub.

Corner.az Polşa mətbuatına istinadən xəbər verir ki, avrokuboklarda təsnifat mərhələsinə avqustun 18-19-da start veriləcək.

Çempionlar Liqasında isə yeni mövsüm 25-26 avqustda başlayacaq. 

Təsnifat mərhələlərinin bütün görüşləri bir oyundan ibarət olacaq. Ev sahibi komandalar cütlərin tərkibi müəyyənləşdikdən sonra püşk yolu ilə müəyyənləşəcəklər. Təsnifat mərhələsində cavab matçları olmayacaq.

Hər iki turnirlə bağlı qərar bu gün UEFA İcraiyyə Komitəsinin videokonfrans formatında iclasında rəsmiləşəcək. 

Qeyd edək ki, Azərbaycan Premyer Liqasının qalibi Çempionlar Liqasında, 2-ci və 3-cü yerlərin sahibləri, həmçinin ölkə kubokunun qalibi Avropa Liqasında mübarizə aparacaq.

AFFA İcraiyyə Komitəsi koronavirus pandemiyasına görə dayandırılan çempionatla bağlı yekun qərarını iyunun 18-də açıqlayacaq.(report)