“Çelsi” klubunun futbolçusu Nqolo Kante zədəsini sağaldıb.
Corner.az xəbər verir ki, bu barədə “zadəganlar”ın baş məşqçisi Frenk Lempard məlumat verib.
29 yaşlı fransalı futbolçu Çempionlar Liqasının 1/8 final mərhələsinin cavab oyunları çərçivəsində bu gün keçiriləcək “Bavariya” ilə oyunda iştirak edə biləcək.
Komandanın digər zədəliləri - Kristian Pulişiç, Pedro, Sesar Aspilikueta və Villian isə oyunu buraxacaq. Pulişiçin 6, Aspilikuetanın isə 3 həftə yaşıl meydanlardan kənarda qalacağı ehtimal edilir. Zədəsini sağaldan Villianın isə bu oyun üçün hazır olmadığı bildirilib.
Qeyd edək ki, “Bavariya” – “Çelsi” oyunu bu gün, saat 23:00-da start götürəcək. İlk oyunda Münhen klubu 3:0 hesablı qələbə qazanıb.