UEFA Super Kubok matçı təxirə salına bilər

 "Sevilya" və "Bavariya" klubları arasında UEFA Super Kuboku uğrunda matç təxirə salına bilər.

Corner.az "The Times" nəşrinə istinadən xəbər verir ki, Macarıstan sentyabrın 1-dən etibarən koronavirus infeksiyasına yoluxmanın artması səbəbindən bütün xarici vətəndaşlar üçün sərhədləri bağlamağa qərar verib.

Oyun sentyabrın 24-də Macarıstanın paytaxtı Budapeştdəki "Puşkaş Arena"da keçirilməlidir. 

Beləliklə, UEFA Super Kuboku uğrunda qarşılaşmanın keçirilməsi sual altına düşüb. 

Xatırladaq ki, "Bavariya" Çempionlar Liqasının finalında PSJ-ni 1:0 hesabı ilə üstələyib. "Sevilya" isə Avropa Liqasındakı həlledici matçda "İnter"dən güclü olub - 3:2.(report)