UEFA Çempionlar Liqasının 3-cü təsnifat mərhələsinin “Dinamo” (Kiyev, Ukrayna) – “Alkmaar” (Niderland) matçı da neytral meydanda keçirilə bilər.
Corner.az xarici mətbuata istinadən xəbər verir ki, buna səbəb Kiyev şəhərində koronavirusla bağlı vəziyyətin gərgin olmasıdır.
Ukraynanın paytaxtında son bir həftədə hər gün 200-dən çox koronavirusa yoluxma faktı aşkarlanır.
UEFA məsələni araşdıracaq və qısa zamanda matçın harda keçirilməsiylə bağlı yekun qərar verəcək.
Qeyd edək ki, “Dinamo” – “Alkmaar” matçı sentyabrın 16-da keçiriləcək.
