UEFA Çempionlar Liqasında 2019/20 mövsümünün ən yaxşı oyunçuları müəyyənləşib.
Corner.az xəbər verir ki, nominasiyaların qalibləri 2020/21 mövsümünün qrup mərhələsinin püşkatması zamanı açıqlanıb.
"Bavariya"dan qapıçı Manuel Noyer, müdafiəçi Yoxua Kimmix öz mövqeləri üzrə bütün rəqiblərindən üstün olublar. "Mançester Siti"də çıxış edən Kevin De Breyne ən yaxşı yarımmüdafiəçi adına layiq görülüb.
"Bavariya"dan Robert Levandovski mövsümün hücumçusu seçilib.
"Bavariya"dan Robert Levandovski ən yaxşı futbolçu, Hans Flik isə ən yaxşı baş məşqçi adına layiq görülüblər.
Qeyd edək ki, "Bavariya" Çempionlar Liqasının finalında Fransa PSJ-sini 1:0, UEFA Super Kubokunda isə İspaniya "Sevilya"sını 2:1 hesabı ilə məğlub edib.
Ən yaxşı qapıçı: Manuel Noyer (Bavariya)
Ən yaxşı müdafiəçi: Yozua Kimmix (Bavariya)
Ən yaxşı yarımmüdafiəçi: Kevin de Breyne (Mançester Siti)
Ən yaxşı hücumçu: Robert Levandovski (Bavariya)
Mövsümün ən yaxşı oyunçusu: Robert Levandovski (Bavariya)
Mövsümün ən yaxşı baş məşqçisi: Hansi Flik (Bavariya)
Qadın futbolçular arasında qaliblər
Ən yaxşı qapıçı: Sara Buhaddi (“Olimpik”, Lion)
Ən yaxşı müdafiəçi: Vendi Renar (“Olimpik”, Lion)
Ən yaxşı yarımmüdafiəçi: Cenifer Marojan (“Olimpik”, Lion)
Ən yaxşı hücumçu: Pernille Harder (“Volfsburq”/“Çelsi”)
Mövsümün ən yaxşı oyunçusu: Pernille Harder (“Volfsburq”/“Çelsi”)
Mövsümün ən yaxşı baş məşqçisi: Jan Lük Vasser (“Olimpik”, Lion)
