“Barselona”nın kapitanı Lionel Messi Çempionlar Liqasında tarixi rekorda imza atıb. Corner.az klubun Tvitter səhifəsinə istinadən xəbər verir ki, 33 yaşlı futbolçu buna qrup mərhələsinin 1-ci turunda ötən gün keçirilən “Ferentsvaroş”la matçda (5:1) qol vurmaqla nail olub. 27-ci dəqiqədə penaltini dəqiq yerinə yetirən argentinalı hücumçu turnirin ardıcıl 16 mövsümündə (2005/06-cı illər mövsümündən bu günədək) fərqlənməyi bacaran ilk futbolçu kimi tarixə düşüb. Qeyd edək ki, Messi bu mövsüm bütün çempionatlar daxil olmaqla 5 oyuna çıxaraq, 2 qol vurub və 3 qolun ötürməsi ilə yadda qalıb.
