“Liverpul” UEFA Çempionlar Liqasının qrup mərhələsinin 3-cü turu çərçivəsində “Atalanta”ya 5:0 hesabı ilə qalib gəlib.
Corner.az xəbər verir ki, bu oyun Mersisayd təmsilçisinin hücumçusu Məhəmməd Salah üçün əlamətdar olub.
Komandasının 4-cü qolunu vuran misirli futbolçu turnirdə “Liverpul”un heyətində vurduğu qolların sayını 21-ə çatdırıb. Bununla da, o, bu göstəricidə komandanın sabiq futbolçusu Stiven Cerrarda çatıb. Hazırda Salah Cerrarda birlikdə Çempionlar Liqasında “Liverpul”un ən çox qol vuran futbolçusudur.
Qeyd edək ki, üç turdan sonra 9 xal toplayan “Liverpul” qrupun lideridir.
