Başakşəhər'in ilk qələbəsi, Çelsi və Yuventus'dan darmadağın

 UEFA Çempionlar Liqasında qrup mərhələsinin üçüncü turuna yekun vurulub.

Corner.az xəbər verir ki, sonuncu oyun günündə E, F, G və H qrupları üzrə daha 8 qarşılaşma baş tutub.

Türkiyənin yeganə təmsilçisi “Başakşəhər” öz meydanında “Mançester Yunayted”i qəbul edib və qalib gəlməklə ÇL-da ilk qələbəsini rəsmiləşdirib. H qrupunun digər görüşündə isə PSJ və “Leyptsiq” üz-üzə gəlib. Paris təmsilçisi bu oyundan məğlub olub.

E qrupunda “Sevilya” “Krasnodar”ı, “Çelsi” “Renn”i qəbul edib. Hər iki oyunda meydan sahibləri inamlı qələbə qazanıb.

F qrupunda “Zenit” “Latsio”nu, “Brügge” “Borussiya Dortmund”la qarşılaşıb. Rusiyadakı oyunda heç-heçə qeydə alınıbsa, Belçikada dortmundlular qalib gəlib.

Ardıcıl iki qələbə qazanan “Barselona” öz meydanında “Dinamo Kiyev”i də məğlub edib. G qrupunun digər matçında “Yuventus” səfərdə “Ferentsvaroş”u qonağı olub və qələbə qazanıb.

UEFA Çempionlar Liqası
Qrup mərhələsi
4 noyabr

E qrupu

“Sevilya” (İspaniya) – “Krasnodar” (Rusiya) 3:2
Qol: Rakitiç, 42. En Nesiri, 69; 72 – Süleymanov, 17. Berq, 21-pen.

“Çelsi” (İngiltərə) – “Renn” (Fransa) 3:0
Qol: Verner, 10-pen; 41-pen. Abraham, 50.

Çelsi – 7, Sevilya – 7, Krasnodar – 1, Renn – 1.

F qrupu

“Zenit” (Rusiya) – “Latsio” (İtaliya) 1:1
Qol: Eroxin, 32 – Kaysedo, 82.

“Brügge” (Belçika) – “Borussiya” (Dortmund, Almaniya) 0:3
Qol: Hazard, 14. Haland, 18; 32.

Borussiya (Dortmund) – 6, Latsio – 5, Brügge – 4, Zenit – 1.

G qrupu

“Barselona” (İspaniya) – “Dinamo” (Kiyev, Ukrayna) 2:1
Qol: Messi, 5-pen. Pike, 65 – Tsiqankov, 75.

“Ferentsvaroş” (Macarıstan) – “Yuventus” (İtaliya) 1:4
Qol: Boli, 90 – Morata, 7; 60. Dibala, 73. Dvali, 81-öz qapısına.

Barselona – 9, Yuventus – 6, Dinamo – 1, Ferentsvaroş – 1.

H qrupu

“Başakşəhər” (Türkiyə) – “Mançester Yunayted” (İngilıtərə) 2:1
Qol: D.Ba, 13. Vişça, 40 – Marsyal, 43.

“Leyptsiq” (Almaniya) – PSJ (Fransa) 2:1
Qol: Nkunku, 42. Forsberq, 56-pen. – Di Maria, 6.

Mançester Yunayted – 6, Leyptsiq – 6, PSJ – 3, Başakşəhər – 3.