- Çempionlar liqası
- 22:50 27.11.2025
"Borussiya Dortmund"nun futbolçusu Erlinq Haland yeni rekorda imza atıb.
Corner.az-ın məlumatına görə, 20 yaşlı hücumçu Çempionlar Liqasında 15 qola ən tez imza atan oyunçu olub.
Norveçli forvard IV turda evdə Belçika "Brügge"sini 3:0 hesabı ilə məğlub etdikləri matçda dubl edib. Holann turnirdəki 12 oyunda 16 qol vurub. Haland Dortmund təmsilçisindən başqa sabiq klubu Avstriya "Zaltsburq"unun heyətində də fərqlənib.
Niderlandlı sabiq futbolçu Rud van Nistelroy və hazırda İspaniya "Qranada"sında çıxış edən Roberto Soldado 19 oyuna 15 qola imza ata bilib.
Kriştiano Ronaldo 51, Lionel Messi 29, Robert Levandovski isə 25 görüşə 15 qol vurmağı bacarıb.
Qeyd edək ki, Erlinq Haland 2019-cu ilin dekabrında "Zaltsburq"dan "Borussiya"ya keçib.
