UEFA Çempionlar Liqasında qrup mərhələsinin 4-cü turu çərçivəsində keçirilmiş “Ferentsvaroş” ilə oyun “Yuventus”un hücumçusu Kristiano Ronaldo üçün əlamətdar olub.
Corner.az xəbər verir ki, Turin təmsilçisinin 2:1 hesabıyla qalib gəldiyi matçda portuqal futbolçu turinlilərin ilk qolunun müəllifi olub.
Bununla da o, Çempionlar Liqasında ev oyununda özünün 70-ci qolunu vurub. Ronaldo bu göstərici üzrə "Barselona"nın hücumçusu Lionel Messinin rekorduna şərik olub.
"Yuventus" 4 turdan sonra 9 xalla G qrupunda ikincidir. Turin klubu növbəti turda (2 dekabr) Kiyev "Dinamo"su ilə qarşılaşacaq.
