Bombardirlər siyahısında yeni hücumçu

"Bavariya"nın futbolçusu Tomas Müller Çempionlar Liqasında yeni uğura imza atıb.

Corner.az "Goal" nəşrinə istinadən xəbər verir ki, 31 yaşlı hücumçu turnirin bombardirləri siyahısında ilk "10-luğ"a daxil olub.

Almaniyalı futbolçu qrup mərhələsinin V turunda səfərdə "Atletiko Madrid" ilə 1:1 hesablı heç-heçə etdikləri görüşdə fərqlənib. Bu, Müllerin turnirdə 47-ci qolu olub.

Çempionlar Liqasında ən çox qolu İtaliya "Yuventus"unda çıxış edən Kriştianu Ronaldu vurub - 131. İspaniyanın "Barselona" komandasında oynayan Lionel Messi 118 qolla ikinci, Almaniya "Bavariya"sında çıxış edən Robert Levandovski isə üçüncüdür - 71.