"Yuventus" UEFA Çempionlar Liqasının qrup mərhələsinin 5-ci turunun matçında "Dinamo Kiyev"i qəbul edib.
Corner.az xəbər verir ki, görüş meydan sahiblərinin 3:0 hesablı qələbəsi ilə yekunlaşıb.
Turin klubunun qollarından birini 57-ci dəqiqədə hücumçu Kriştiano Ronaldo vurub. Portuqaliyalı futbolçu bununla Çempionlar Liqasında özünün 71-ci ev qolunu vurub və həmin göstərici üzrə rekordçu, "Barselona"nın hücumçusu Lionel Messini ötüb. Dünənə qədər Messi aktivindəki 70 qolla birinci idi.
Bu, həmçinin Ronaldunun karyerasında 750-ci qolu olub.
Qeyd edək ki, UEFA Çempionlar Liqasının qrup mərhələsində V tura yekun vurulub.
