UEFA Çempionlar Liqasının qrup mərhələsinin 5-ci turu çərçivəsində evində PSJ-yə 1:3 hesabı ilə uduzan “Mançester Yunayted” ciddi itki ilə üzləşib.
Corner.az xəbər verir ki, “qırmızı şeytanlar”ın futbolçusu Markus Reşford sıradan çıxıb. Oyuna start heyətdə çıxan 23 yaşlı hücumçu 74-cü dəqiqədə zədələnərək meydanı erkən tərk edib.
Oyundan sonra futbolçunun vəziyyəti ilə bağlı açıqlama verən komandanın baş məşqçisi Ole-Qunnar Sulşer, Reşfordun çiynindən zədə aldığını təsdiqləyib. İngiltərəli futbolçunun son vəziyyətinə tibbi müayinədən sonra aydınlıq gələcək.
