“Yuventus”un müdafiəçisi Merih Demiral yenidən sıradan çıxıb.
Corne.az xəbər verir ki, bu barədə klubun rəsmi saytı məlumat yayıb.
A Seriyası çərçivəsində “Kalyari”yə 2:0 hesabıyla qalib gəldikləri matçda zədələnən 22 yaşlı müdafiəçinin bir neçə gün öncə məşqlərə başlamış və dekabrın 2-də “Dinamo Kiyev”ə 3:0 hesabıyla qalib gəldikləri matçda da meydana çıxmışdı. Amma türkiyəli futbolçu bu oyunun ikinci hissəsində növbəti dəfə zədələnib və əvəzlənmə məcburiyyətində qalıb
Klubun yaydığı məlumata görə, Merih daha 10 gün yaşıl meydanlardan uzaq qalacaq. Demiralın İtaliya çempionatı çərçivəsində “Torino”, UEFA Çempionlar Liqasında isə “Barselona” ilə oyunları buraxacağı dəqiqləşib.
Türk futbolçu bu mövsüm “Yuventus”da 9 oyuna çıxıb, 1 məhsuldar ötürmə edib.
