Türkiyə Super Liqasının qalibi olacaq komanda UEFA Çempionlar Liqasının (ÇL) qrup mərhələsində yerini itirmə təhlükəsi ilə üzləşib.
Corner.az xəbər verir ki, bu, Avropa Liqasının qrup mərhələsinin 6-cı turunda "Sivasspor"un səfərdə "Makkabi"yə (Təl-Əviv) 0:1 hesabı ilə məğlub olmasından sonra müəyyənıəşib.
Bu mövsüm Çempionlar Liqasının qalibi öz liqasında qitənin bir nömrəli klub turnirinə vəsiqə əldə etməsə, Türkiyənin Super Liqa çempionu qrup mərhələsində iştirak üçün pley-offda oynayacaq.
UEFA reytinqində 13-cü pilləyə geriləyən Türkiyənin 2022/23 mövsümündə birbaşa ÇL-in və Avroliqanın qrupuna komanda göndərə bilməyəcəyi dəqiqləşib. 2021/22 mövsümünün qalibi isə turnirdə iştirak üçün pley-offda mübarizə aparmalı olacaq.
Qeyd edək ki, Çempionlar Liqasında çıxış edən "Başakşəhər" klubu da "Sivasspor" kimi avrokuboklarla vidalaşıb. 15 ildən sonra ilk dəfə qonşu ölkənin heç bir klubu növbəti mərhələyə adlaya bilməyib.
