UEFA Çempionlar Liqasında 1/8 final mərhələsinin daha iki oyunu keçirilib.
Corner.az xəbər verir ki, “Yuventus” səfərdə “Portu” ilə qarşılaşıb. Üç qolun qeydə alındığı bu matçda meydan sahibləri qələbə qazanıb.
Gecənin digər görüşü İspaniyada baş tutub. Burada “Borussiya” (Dortmund) klubu Avropa Liqasının son qalibi “Sevilya”nın (İspaniya) qonağı olub. Qarşılaşma qonaqların qələbəsiylə yekunlaşıb.
Qeyd edək ki, 1/8 final mərhələsinin ilk oyun günündə PSJ (Fransa) səfərdə “Barselona”nı (İspaniya) 4:1, “Liverpul” (İngiltərə) isə “Leypsiq”i (Almaniya) 2:0 hesabı ilə məğlubiyyətə uğradıb.
UEFA Çempionlar Liqası
1/8 finalın ilk oyunları
17 fevral
“Portu” (Portuqaliya) - “Yuventus” (İtaliya) 2:1
Qollar: Taremi, 2. Mareqa, 46 – Kyeza, 83.
“Sevilya” (İspaniya) - “Borussiya” (Dortmund, Almaniya) 2:3
Qollar: Suso, 7. De Yonq, 84 – Dahud, 19. Haland, 27; 43.
