“Real” klubu UEFA Çempionlar Liqasının (ÇL) 1/8 finalında “Atalanta”ya qarşı keçirdiyi oyunla bu turnirin tarixinə düşüb.
Corner.az xəbər verir ki, bu barədə UEFA-nın rəsmi saytı məlumat yayıb.
Madrid klubu 1992-ci ildən etibarən yeni formatda keçirilən ÇL-də 100-cü oyununa çıxıb. “Real” o vaxtdan Çempionların Liqasının 25 mövsümündə iştirak edib. Komanda həmin dövrdən bəri hər mövsümdə qrup mərhələsinə yüksəlib.
“Real” həmçinin yeganə klubdur ki, pley-off matçlarında 50 qələbə qazanıb.
Qeyd edək ki, “Real” “Atalanta”ya 1:0 hesabıyla qalib gəlib.
UEFA Çempionlar Liqası əvvəlki formatda Avropa Çempionları Kuboku adlanırdı.
